درد میں ڈوبی ہو سوز سے پر بھی ہو

حضور انور ایدہ اللہ تعالیٰ بنصرہ العزیز کی الجزائر اور پاکستان کے احمدیوں کے لئے دعائیہ تحریک کے حوالے سے چند اشعار

درد میں ڈوبی ہو سوز سے پر بھی ہو
دوستو اس دعا کی ضرورت ہے پھر

اشکوں سے سجدہ گاہیں رہیں تر بتر
نالہ و التجا کی ضرورت ہے پھر

عرش کے پائے جو کہ ہلائے سنو
ایسی آہ و بکا کی ضرورت ہے پھر

نوع انسانیت کی بقا کے لئے
اب خدا میں فنا کی ضرورت ہے پھر

رات کے آخری حصہ میں جاگ کر
اس خدا سے لقا کی ضرورت ہے پھر

عہد جورو جفا نفرتوں کے خلاف
الفتوں کی ضیا کی ضرورت ہے پھر

گر نصیبوں میں ان کے ہدایت نہیں
آسمانی قضا کی ضرورت ہے پھر

اے مھیمن خدا مالکا کبریا
تیرے فضل و عطا کی ضرورت ہے پھر

(ابو بلال)