حضور انور ایدّہ اللہ تعالیٰ بنصرہ العزیز کی گزشتہ ہفتے کی مصروفیات کی ایک جھلک پیش خدمت ہے۔ اللہ تعالیٰ پیارے حضور انور ایدّہ اللہ تعالیٰ کو صحت و سلامتی سے رکھے اور ہر آن اپنی حفظ و امان میں رکھے۔
دوران ہفتہ حضور انور ایدّہ اللہ تعالیٰ نے دفتری ملاقاتیں فرمائیں جن کی تعداد 14 تھی۔ دفتری ملاقاتوں میں متعدد افسران صیغہ، مبلغین، مربیان سلسلہ، واقفین زندگی و دیگر احباب نے حضور انور سے قیمتی ہدایات وصول کیں۔
دوران ہفتہ حضور انور ایدّہ اللہ تعالیٰ نے جمعتہ المبارک والے دن اسلام آباد (ٹلفورڈ) سے GMT کے مطابق دوپہر ایک بجے خطبہ جمعہ کی بجائے خصوصی پیغام ارشاد فرمایا جو کہ MTA کے مواصلاتی نظام کے تحت پوری دنیا میں دیکھا اور سنا گیا۔
حضور انور نے اس پیغام میں فرمایا: ان حالات میں باقاعدہ جب تک واضح نہیں ہو جاتا جمعہ ادا نہیں کیا جا سکتا ۔ اس لئے میں نے آج مشورے کے بعد یہی فیصلہ کیا ہے کہ دفتر سے ہی خطبہ کے بجائے ایک پیغام کی شکل میں آپ سے بات کر لوں اور مخاطب ہو جاؤں۔
(سعید الدین احمد۔ لندن)
