آج ہر ملک سے آتی ہے ندائے احمدؑ
جوق در جوق صدا، ہم ہیں فدائے احمدؑ
آج ہم سے ہے فقط امن کا برپا ہونا
احمدیت پہ ہے شفقت کی ردائے احمدؑ
ہے محبت ہی محبت، نہیں نفرت کچھ بھی
ہر طرف پھیل رہی ہے یہ صدائے احمد
صرف اسلام ہے اب امن کا رہبر جگ میں
بات قرآن کی دنیا کو سنائے احمدؑ
اب فقط ظلم کا پہرہ ہے جہاں میں ہر سُو
امن چاہو تو چلو سوئے سرائے احمد
ہر طرف عدل کی دعوت کا کرے پرچار
خوابِ غفلت سے مسلماں کو جگائے احمد
آج جو عاملِ قرآں ہے وہ پائے گا فلاح
لو تمہیں طور تسلی کا بتائے احمد
عدل و انصاف بِنا امن نہیں ہے ممکن
قریہ قریہ یہی آواز لگائے احمد
(نور احمد ثاقب۔برکینا فاسو)
