اس جلسہ میں ایسے دقایق اورمعارف کے سنانے کا شغل رہے گا جو ایمان اور یقین اور معرفت کو ترقی دینے کے لیے ضروری ہیں اورنیزان دوستوں کے لئے خاص دعائیں اور خاص توجہ ہوگی اورحتی الوسع بدرگاہ ارحم الراحمین کوشش کی جائے گی کہ خدا تعالی اپنی طرف ان کو کھینچے اور اپنے لئے قبول کرے اور پاک تبدیلی ان میں بخشے۔
(آسمانی فیصلہ، روحانی خزائن جلد4 صفحہ 376)
انسان کا سینہ مہبط الانوار ہے اور اسی وجہ سے وہ بیت اللہ کہلاتا ہے بڑا کام یہی ہے کہ اس میں جوبت ہیں وہ توڑےجائیں اور اللہ ہی اللہ رہ جائے حدیث میں آیا ہے کہ رسولؐ اللہ نے فرمایا اَللّٰہُ اَللّٰہُ فِی اَصْحَابِی میرے صحابہ کے دلوں میں اللہ ہی اللہ ہے ۔
(ملفوظات جلد اول صفحہ121 ایڈیشن 1988ء)
