ایسے نو آموز شعراء کا کلام جنہوں نے روزنامہ الفضل آن لائن لندن کے حُسن میں اضافہ کے لئے اپنے قلم کو حرکت دی
آؤ کہ مسکرائیں مسکان کے دن ہیں
شکر خدا منائیں شکران کے دن ہیں
اللہ نے اتارا اپنا کلام روشن
مل کے پڑھیں پڑھائیں قرآن کے دن ہیں
سامان آخرت کا جوڑیں انہی دنوں میں
رب سے کریں دعائیں رمضان کے دن ہیں
حکم خدا ہے سارے ایمان والوں کویہ
روزے رکھیں رکھائیں فرمان کے دن ہیں
خلق خدا کی خدمت کرنے کا آیا موقع
انساں کے کام آئیں انسان کے دن ہیں
کوشش اگر ہو سچی تو لیلۃ القدر بھی
ممکن ہے دیکھ پائیں رحمان کے دن ہیں
بخشش خدا سے مانگیں اور گڑگڑا کے روئیں
شیطان کو بھگائیں غفران کے دن ہیں
(ناصر احمد شہروز)