مصنوعی پن کی عادت
یہ بات آپ کو اچھی طرح سمجھ لینی چاہئے کہ لوگوں کی ایک بڑی تعداد مصنوعی پن چھوڑنے کو تیار نہیں ہوتی جس کو ولایتی پن سے محبت کرنا اور دیسی پن سے نفرت کرنا بھی کہا جاسکتا ہے۔ یہ در اصل اپنے اصل سے نفرت ہوتی ہے اور لوگ اپنی قومیت پر شرمندہ رہتے ہیں جس کا یقین ان کو صدیوں کی غلامی دلا چکی ہوتی ہے جو آزادی کے بعد بھی انہیں آزاد نہیں ہونے دیتی کیونکہ ان کے آباؤ اجداد کے پروں کوکاٹ دیا گیا تھا اس لئے کہ غلاموں کے پر نہیں ہوتے اور وہ پرواز بھرنا بھول گئے پھر انکی آئندہ نسلوں کو بھی اڑنا نہیں آتا جبکہ وہ سب پروں کے ساتھ پیدا ہوتے ہیں مگر پھر بھی زمین پر گھسٹنا پسند کرتے ہیں۔
(مرسلہ: کاشف احمد)
