ایمان کی حفاظت
آج کا دور فتنوں، آزمائشوں سے پُر ہے۔ اس دور میں سب سے بڑی آزمائش ایمان کے امتحان کی ہوا کرتی ہے۔ اس لئے اپنے گھروں میں اپنی اولادوں کو دعا کی اہمیت سے آگاہ کرتے ہوئے ایمان کی حفاظت کی دعا کی طرف خاص طور سے توجہ دلانا ایک بہت اہم امر ہے۔ سچے دل سے استغفار کرتے ہوئے رب کی طرف جھکنا اور خلوص دل کے ساتھ ایمان کی سلامتی کی دعا کو ہر نماز میں مقدم کر لینا یقیناً ایسے ہی ایمان کی حفاظت کا باعث ہوتا ہے جیسے کہ اللہ تعالیٰ نے اصحاب کہف کے ایمان کی حفاظت خود فرمائی تھی۔
(مرسلہ: ناصرہ احمد، کینیڈا)
