اطفال کارنر
تقریر
خلافت سے وابستگی میری ضرورت
خلافت میری ضرورت اس لیے ہے کہ میں ایک احمدی مسلمان ہوں جو قرآن کریم کو سچی کتاب اور حضرت رسول کریم ﷺ کو سچا رسول مانتا ہوں اور ان دونوں نے ہمیں بتلایا ہے کہ خلافت ایک الٰہی نظام ہے جو اسلام کی تعلیمات کا حصہ ہے اور جس پر عمل کرنا میرے لیے ضروری ہے یہ میری روح کی غذا ہے۔ جو میری رہنمائی کرتی ہے کہ آج کل کے اس مادی معاشرے میں، میں نے اپنے جسم کی کیسے حفاظت کرنی ہے۔ یورپ کی گندگیوں اور غلاظتوں سے میں نے کیسے بچنا ہے۔ اس معاشرے میں، میں نے کیسے نماز پڑھنی ہے۔ کیسے اپنے خدا سے تعلق جوڑنا ہے۔ کیسے میں نے اللہ تعالیٰ کی مخلوق کی خدمت کرنی ہے کیونکہ اللہ کی مخلوق اُس کا کنبہ ہے۔ خاندان ہے۔ والدین کی خدمت کرنے کے قرینے خلافت سکھلاتی ہے۔بہن بھائیوں کی عزت و احترام کرنے کے طریق سکھلاتی ہے۔ اسلام سے محبت میں خلافت نے مجھے بہت بڑھایا ہے۔ انسانیت سے پیار میں بڑھایا ہے۔ ایک دوسرے کی عزت اور مذاہب میں ہم آہنگی کرنا خلافت نے ہی مجھے سکھلایا ہے۔ ایک انکل کہا کرتے تھے کہ اگر میں احمدی نہ ہوتا تو شاید میں بھی وٹے مارنے والوں سے ہوتا۔ مجھے خلافت نے اسلام کے تمام فرقوں سے پیار سکھلایا ہے۔
الغرض خلافت میرے لیےا س لیے ضروری ہے کہ یہ مجھے بتاتی ہے کہ میں اپنے آپ کو قرآن میں تلاش کروں اور انسان میں موجود دونوں حقوق یعنی اللہ اور مخلوق سے محبت بتاتی ہے۔
خلافت زندہ باد۔ نظامِ خلافت پائندہ باد
(فرخ شاد)
