ایک چاند یا چمکتا ستارہ کہیں جسے
روشن سا دلنشین نظارہ کہیں جسے
اِک لا زوال حسن کا پیکر تھا سامنے
دلکش حسین سا رُخِ انور تھا سامنے
ایسا ہی ایک حسین سا منظر نظر میں تھا
اُجلا بدن وہ ریشم و کمخواب کی طرح
صورت جہان قدس کے مہتاب کی طرح
لگتا تھا کوئی خواب سہانا تھا سامنے
ایک حسن کا حسین زمانہ تھا سامنے
ایسا ہی اک حسین سا منظر نظر میں تھا
دیکھا جو اس کا حسن تو شرما گئے گلاب
نظریں ملیں جو اس سے تو گھبرا گئے گُلاب
حاضر تھی دست بستہ صبا اس کے سامنے
آئی تھی ہو کے زیرِ ہوا اس کے سامنے
ایسا ہی ایک حسین سا منظر نظر میں تھا
کلیاں بھی سوچتی تھیں اُسے ہو کے با وضو
پریاں بھی دیکھتی تھیں اسے ہو کے با وضو
پُر نور سا شباب تھا اک سب کے سامنے
کیا حسن لاجواب تھا اک سب کے سامنے
ایسا ہی ایک حسین سا منظر نظر میں تھا
(عبدالصمد قریشی)
