• 21 ستمبر, 2020

وہ بندہ ہے جس میں خدا بولتا ہے

خلافت کا دیکھو فقط معجزہ ہے
وہ بندہ ہے جس میں خدا بولتا ہے

وہ چہرہ کہ ملتی ہے آنکھوں کو ٹھنڈک
وہ بولے تو لفظوں میں رس گھولتا ہے

چلے تو ہوائیں ادب میں کھڑی ہوں
رکے ہر نظارہ قدم چومتا ہے

خلافت سے پہچان ہر احمدی کی
خلافت نے مردوں کو زندہ کیا ہے

خلافت وہ امید کی روشنی ہے
اندھیروں میں جس نے اجالا کیا ہے

زمانے کے طوفان یا آندھیوں میں
خلافت شجر وہ کہ پھولا پھلا ہے

خلافت تو باد صبا کا ہے جھونکا
خلافت نے صحرا بھی دریا کیا ہے

خلافت وہ زنجیر ہے جس نے زاہد
دلوں کو محبت سے یکجا کیا ہے

(سید طاہر احمد زاہد)

پچھلا پڑھیں

الفضل آن لائن 6 اگست 2020

اگلا پڑھیں

عالمی اپڈیٹ – Covid-19