- افریقہ میں ممکنہ اموات
- اکیلی عورت ہزاروں لوگوں کو کھانا کھلا چکی
- ماسک نہیں تو جیل جاؤ
- بچے جیل سے رہا
افریقہ میں کورونا وائرس کی موجودہ صورت حال
کل مریض | تندرست ہونے والے | اموات |
54,126 | 18,412 | 2,080 |
کیسز کی تعداد کے لحاظ سے پہلے پانچ ممالک
ملک | متاثرین | |
1 | جنوبی افریقہ | 8232 |
2 | مصر | 7981 |
3 | مراکش | 5548 |
4 | الجیریا | 5182 |
5 | نائیجریا | 3526 |
گزشتہ چوبیس گھنٹوں میں 2429 مریضوں اور 71اموات کا اضافہ ۔
لاشو ں کی وطن واپسی پر پابندی
خبر رساں ادارے اے ایف پی کے مطابق، سینیگال کی سپریم کورٹ نے بیرون ملک کورونا وائرس سے فوت ہونے والے شہریوں کی لاشوں کی وطن واپسی پر پابندی برقرار رکھی ہے۔ حکومت نے انہیں وائرس کے پھیلاؤ کو روکنے کے لئے واپس لانے سے انکار کیا تھا۔ (بی بی سی)
کورونا اور قرضوں کے بڑھتے ہوئے بوجھ
بین الاقوامی مالیاتی فنڈ (آئی ایم ایف) نے یوگنڈا کے لئے 491 ملین ڈالرز قرض کی منظوری دی ہے ، تاکہ ملک کی معیشت کو کورونا وائرس وبائی امراض پر قابو پانے کی لاگت سے نمٹنے میں مدد ملے۔ (بی بی سی افریقہ )
اسی طرح کینیا کے لئے 739 ملین ڈالرز قرض کی منظوری دی گئی ہے۔ (الجزیرہ)
جبکہ
الجیریا نے موجودہ مالیاتی بحران کے باوجود بین الاقوامی مالیاتی فنڈ کی امداد کو مسترد کردیاہے۔صدر Abdelmadjid Tebboune”بین الاقوامی اداروں کے بجائے شہریوں سے قرض لینے کو ترجیح دی ہے "۔
https://www.africanews.com/2020/05/07/8-billion-dollars-to-fight-covid-19-business-africa/
افریقہ میں ممکنہ اموات
ورلڈ ہیلتھ آرگنائزیشن (ڈبلیو ایچ او) کے مطابق اگر وبا کو کنٹرول کرنے کے لئے درست اقدامات نہ کئے جا سکے افریقہ میں پہلے سال میں کورونا وائرس 190،000 افراد کو ہلاک کرسکتا ہے۔( بی بی سی افریقہ )
اس سے قبل اقوام متحدہ کے اقتصادی کمیشن برائے افریقہ (یو این ای سی اے) کی اپریل میں جاری کردہ ایک رپورٹ میں کہا گیا تھا : "کوویڈ 19 کے براہ راست نتیجے میں 300،000 سے 3.3 ملین افریقی افراد اپنی زندگی سے ہاتھ دھو سکتے ہیں۔”
تعزیت سے انکار کمشنری سے فارغ
ایک سرکاری عہدے دار نے نائیجیریا کے صدر کے چیف آف سٹاف کے کورونا وائرس سے مرنے پر تنقید کی تھی۔ اب وہ خود بھی کورونا میں مبتلا ہو گیا ہے۔نائیجیریا کی ریاست کانو کے کمشنر کو ا س وجہ سے ان کے عہدے سے برطرف کردیا گیا کہ انہوں نے صدر مملکت کے سابق چیف آف اسٹاف ابا کیاری کی تعزیت کرنے سے انکار کر دیا تھا اور ان پر تنقید کی تھی ۔(بی بی سی)
130ملین لٹر شراب بہانا پڑے گی
جنوبی افریقہ میں شراب بنانے والی ایک بڑی کمپنی نےبتایا ہے کہ اگر اگلے چند دنوں میں فروخت کی اجازت نہیں ملتی تو انہیں 130 ملین لیٹر بیئر تباہ کرنا پڑے گی ۔ جنوبی افریقہ نے کورونا وائرس کے پھیلاؤ کو روکنے کے لئے ملک بھر میں شراب کی فروخت پر پابندی لگا رکھی ہے ۔(بی بی سی افریقہ)
ماسک نہیں تو جیل جاؤ
نائیجیریا کے ریجن Ogun میں ماسک نہ پہننے والے کو جیل کی ہوا کھانا پڑے گی اور چودہ دن کے لئے سوشل ورک کرنا ہو گا۔ (بی بی سی)
بچے جیل سے رہا
جنوبی سوڈان نے85بچے جیل سے رہا کر دیئے ۔ جیل میں قیدیوں کی تعداد زیادہ ہے۔ (بی بی سی)
گورنر کا عملہ مبتلا ئے کورونا
نائیجیریا کے ریجن لاگوس کے گورنر کے عملے کے دس افراد کا کورونا پازٹیو آیا ہے ۔
(بی بی سی)
اکیلی عورت ہزاروں لوگوں کو کھانا کھلا چکی
زمبابوے کی ایک خاتون Samantha Murozoki, نے اکیلے اپنے گھر کے سامنے 200ڈالرز کی رقم سے غریب لوگوں کو کھانا کھلانے کی ابتدا کی ۔وہ اب تک ہزاروں لوگوں کو کھانا کھلا چکی ہیں ۔ ان کا کہنا تھا کہ کچھ گھرانوں میں ، بھوک کورونا وائرس سے کہیں زیادہ تباہ کن ہوتی ہے۔ خاص طور پر زمبابوے میں جہاں لوگ روز کی روٹی روز کماتے ہیں ۔ جب دوسو ڈالرز کی رقم ختم ہوگئی تو انہوں نے اپنے گھر کی چیزوں کے بدلے آٹا ، چاول ، آئل وغیرہ خریدا اور اس نیک کام کو جاری رکھا۔
https://www.africanews.com/2020/05/07/zimbabwean-woman-feeds-people-starved-by-covid-19/
سختی سے نپٹا جائے گا
ایتھوپیا کے وزیر اعظم Abiy Ahmed نے اپوزیشن کو متنبہ کیا ہے کہ وہ کورونا وائرس کی وجہ سے پید اہونے والی غیر یقینی صورت حال سے فائدہ اٹھا کر اقتدار پر قبضہ کرنے کی کوشش نہ کریں ۔ ایسا کرنے والوں کو قانون کے ذریعہ سزا دی دی جائے گی ۔بی بی سی)
اب قرنطینہ میں مفت ہو گا
کینیا کی حکومت کا کہنا ہے کہ وہ اب قرنطینہ میں بھیجے جانے والے لوگوں کے اخراجات خود پورا کرنا شروع کردے گی۔اس اقدام کا مقصد زیادہ سے زیادہ لوگوں کو ٹسٹ کروانے کے لئے آگے آنے کی ترغیب دینا ہے ۔ وبا کے آغاز کے دنوں میں قرنطینہ بھیجے جانے والے خوفزدہ تھے کیونکہ وہ وہاں کا خرچ نہیں اٹھا سکتے تھے ۔بیشتر سرکاری قرنطینہ سنٹرز میں ایک دن کی فیس کم از کم 20 ڈالر تھی ۔ بی بی سی
ٓائیوری کوسٹ بجلی کے بلز فری
وزیر پیٹرولیم نے بتایا کہ آئیوری کوسٹ میں بجلی کے بلوں کو پورا کرنے کے لئے "7 سے 10 بلین فرانک سیفا مختص کیے گئے ہیں تاکہ شہریوں کو سہولت فری دی جا سکے۔ .journalduniger.com
دیسی دوائی کے کلینکل ٹسٹ
سینیگال کی وزارت صحت نے کورونا وائرس کی ملاگاسی دوائی کے کلینکل ٹسٹ شروع کر دئے ہیں journalduniger.com
(چوہدری نعیم احمد باجوہ۔ برکینا فاسو)
نمائندہ روزنامہ الفضل لندن (آن لائن)