ازل سے ہوا اہتمام خلافت
ابد تک رہے گا نظام خلافت
بتایا ہے قرآن میں یہ خدا نے
پیا پہلے آدم نے جام خلافت
ملائک کی جس سے جبینیں ہیں روشن
وہ ہے خاک بیت الحرام خلافت
پتنگے محبت کے جلتے ہیں جس میں
وہ ہے شعلہ شمعِ بام خلافت
رہِ راست پاتے ہیں جس سے مسافر
وہ ہے نورِ ماہِ تمام خلافت
وہ طائر ہے بھٹکا ہوا بوستاں کا
نہیں جس کی گردن میں دام خلافت
پکارا ہے تنویر پھر میکدے سے
پیو آکے کأس الکرام خلافت
(مکرم شیخ روشن دین تنویر صاحب)