- لاک ڈاؤن پھر بحال کرد یا جائے گا
- معاشرتی ہمدردی کی جھلک
- کیا گھانا حکومت کا اقدام درست تھا
افریقہ میں کورونا وائرس کی موجودہ صورت حال
| کل مریض | تندرست ہونے والے | اموات |
| 57,870 | 20,824 | 2,154 |
کیسز کی تعداد کے لحاظ سے پہلے پانچ ممالک
| ملک | متاثرین | |
| 1 | جنوبی افریقہ | 9420 |
| 2 | مصر | 8964 |
| 3 | مراکش | 5910 |
| 4 | الجیریا | 5558 |
| 5 | گھانا | 4263 |
گزشتہ چوبیس گھنٹوں میں 2828 مریضوں اور67 اموات کا اضافہ۔
لاک ڈاؤن پھر بحال کرد یا جائے گا
نائیجیریا کے سب سے بڑے شہر ، لاگوس کے گورنر نے متنبہ کیا ہے کہ اگر شہری اپنے معاشرتی فاصلے سے متعلق قوانین کی خلاف ورزی کرتے رہے تو کورونا وائرس کو روکنے کے لئے لاک ڈاؤن کو بحال کردیا جا ئے گا۔ (بی بی سی افریقہ)
معاشرتی ہمدردی کی جھلک
Eritrea کے وزیر اطلاعات Yemane Meskel نے اپنے ٹویٹر پربیان جاری کیاکہ اریٹیریا میں مالکان نے کرایہ معاف کرنے پر اتفاق کیا ہے۔ انہوں نے کہا یہ تازہ ترین رجحان ہے جس میں معاشرتی ہمدردی، اورہمارے ے ملک کی بھرپور ثقافت جھلکتی ہے۔ (بی بی سی افریقہ)
کوئی دوسرا آپشن نہیں ہے
جبوتی کے وزیر خارجہ نے اعلان کیا کہ جبوتی افریقہ کا چھوٹا ساملک ہے جس میں کورونا وائرس کے کیسز کی تعداد بہت زیادہ ہے ۔لیکن اس کے باوجود اقتصادی وجوہات کی بناء پر لاک ڈاؤن ختم کیا جا رہا ہے۔محمود علی یوسف نے ٹویٹر پیغامات کے ذریعہ کہا کہ کل سے لاک ڈاؤن کھلنے کا عمل شروع ہوجائے گا۔اس کے علاوہ کوئی دوسرا آپشن نہیں ہے۔ لوگوں کو اپنی زندگی بسر کرنے اور کام پر جانے کی ضرورت ہے۔” (الجزیرہ)
کورونا اور جنگ کی مصیبت ایک ساتھ
کیمرون کے ایک اہم علیحدگی پسند گروہ نے لوگوں کو کورونا وائرس وبا کی مصیبت سے بچانے کے لئے 29 مارچ کو جنگ بندی کا اعلان کیا تھا ۔ لیکن جنگ بندی کی امیدیں دم توڑ رہی ہیں اور اشتعال انگیزی جاری ہے۔ (بی بی سی افریقہ)
کیا حکومتی اقدام درست تھا
جمعہ کے روز ایک دن میں 900 سے زائد کیسز کا ریکارڈ اضافے ہونے کے بعد مغربی افریقہ میں گھاناسب سے زیادہ متاثر ملک بن کر سامنے آیا ہے ۔ 18 افراد کی موت اور 323 صحت یابیوں کے ساتھ 4263 کیسز ہیں۔
ان اعدادوشمار نے اس بات پربحث چھیڑ دی ہے کہ کیا حکومت کا اپریل میں تین ہاٹ سپاٹ میں لگائے گئے لاک ڈاؤن کو اٹھانا درست اقدام تھا۔ africanews.com
گھانا دیسی دوائی کا تجزیہ کرے گا
گھانا نے تصدیق کی کہ اسے مڈگاسکر سے COVID-Organics کی پیش کش کی گئی ہے۔
حکام کا کہنا ہے کہ یہ دوائی سائنسی تجزیہ کے لئے فوڈ اینڈ ڈرگ اتھارٹی (ایف ڈی اے) کے پاس بھیج دی جائے گی۔ africanews.com
امداد کا شکریہ
ایتھوپیامیں کورونا کیسز کی مجموعی طور پر تعداد 210 ہو گئی ہے ۔ کل ہفتہ کے روز 16 نئے کیسز رپورٹ ہوئے۔وزیر اعظم نے امریکی حکومت سے COVID-19 کا مقابلہ کرنے میں مدد کرنے پر امریکی حکومت کا شکریہ ادا کیا ہے۔ ۔ africanews.com
انسانی بنیادوں پر مدد
سنٹرل افریقہ نے وبا پر قابو پانے کے لئے یورپی کمیشن سے امداد لینا شروع کردی ہے۔ یورپی کمیشن ہیومینیٹری ایڈ سول پروٹیکشن ڈیپارٹمنٹ کی ہوائی سروس انسانی بنیادوں پر کورونا کے خلاف اقدامات کرنے میں سامان کی ترسیل میں مدد دے گی۔ افریقہ نیوز )
کرفیو ختم کرنے کا علان
مالی میں کورونا کے لگ بھگ 700 کیسز ہیں ۔ تاہم ملک کے وزیر اعظم نے ہفتہ کو قوم سے خطاب میں اعلان کیا کہ کورونا کی وجہ سے نافذ کردہ کرفیو کو ہٹا دیا گیا ہے۔(malijet)
(چوہدری نعیم احمد باجوہ۔ برکینا فاسو)
نمائندہ روزنامہ الفضل لندن (آن لائن)
