جشنِ آزادی مبارک آج ہے چودہ اگست
یومِ آزادی مبارک آج ہے چودہ اگست
اپنا پرچم سبز پرچم اس پہ تارا اور ہلال
اپنا پرچم سب سے اُونچا اپنا پرچم لازوال
ارضِ پاکستان پر سایہ رہے رحمن کا
اس میں جاری ہو سدا علم و عمل قرآن کا
جشنِ آزادی مبارک آج ہے چودہ اگست
یومِ آزادی مبارک آج ہے چودہ اگست
قائد اعظم کو آزادی کے قائد کو سلام
ارضِ پاکستان کے پرچم کو قائد کو سلام
وادیوں کو کوہساروں کو پہاڑوں کو سلام
بہتے دریاؤں کو باغوں کو بہاروں کو سلام
جشنِ آزادی مبارک آج ہے چودہ اگست
یوم آزادی مبارک آج ہے چودہ اگست
(امة الباری ناصر۔ امریکہ)
