باعمل داعی الی اللہ
داعی الی اللہ بننے کی پہلی شرط پہلے خود باعمل مسلمان بننا ہے۔ حضور ایدہ اللہ تعالیٰ نے بھی بارہا ارشاد فرمایا ہے کہ پہلےاپنی حالتوں کی اصلاح کرنا ضروری ہے۔ تبلیغ وہ انسان ہی کر سکتا ہے جو پہلے خود برائی سے دور رہنے کی حتی الامکان عملی کوشش کرتا ہے اور عمدہ اخلاق کا نمونہ پیش کرتا ہے۔ صرف فلائرز پھینکنے سے تبلیغ جیسی اہم ذمہ داری سے عہدہ برآ نہیں ہوا جا سکتا۔ پہلے اپنا جائزہ لینا اور نزدیکی حلقہ ٔ احباب میں اپنے اخلاق اور کردار سے متاثر کرتے ہوئے بہترین داعی الی اللہ بننے کی مثال قائم کرنا بہت ضروری امر ہے۔
(مرسلہ: ناصرہ احمد – کینیڈا)