اُس نور نے پختہ مرا ایمان بنایا

آقا نے مجھے صاحبِ عرفان بنایا
اُس نورِ خدا نے مجھے ذیشان بنایا

اِک بار خلیفہ نے نظر ڈالی تھی مجھ پر
تھا خاک کا ذرہ مجھے مرجان بنایا

آقا سے ملاقات کا ہی مجھ پہ اثر ہے
اُس نور نے پختہ مرا ایمان بنایا

تھا شاخ بِنا پھول، ثمر جس پہ نہیں تھے
محبوب کی صحبت نے گُلِستان بنایا

شیطان سے لڑنے کے لئے مجھ کو دعا دی
آقا نے مجھے با خدا انسان بنایا

جو امن و محبت کی ہے تعلیم اسی سے
اُس نے مجھے ہمدرد مسلمان بنایا

کرتے ہیں سکندر کے سخن دل پہ اثر بھی
اللہ نے مجھے صاحبِ دیوان بنایا

(راجہ سکندر جلال)