عطائے خلیفہٴ ثانی مبارک
مسرت بھری یہ کہانی مبارک
ہو لجنہ کو یہ کامرانی مبارک
ہو سو سال کی شادمانی مبارک
جو چودہ ستاروں کا تھا کارواں اک
وہ سو سال میں ہے بنی کہکشاں اک
یہ برکت، یہ نعمت، روانی مبارک
ہو سو سال کی شادمانی مبارک
خلافت کے سائے میں ہر دم پلی ہے
خلافت سے ہی رہنمائی ملی ہے
خلافت کی یہ مہربانی مبارک
ہو سو سال کی شادمانی مبارک
خلافت کی ہر دم وفادار ہوویں
لٹانے کو اولاد تیار ہوویں
وفاؤں کی مشعل جلانی مبارک
ہو سو سال کی شادمانی مبارک
ہمیشہ ہی چوکس و ہشیار ہم ہیں
عدو کے لیے ننگی تلوار ہم ہیں
ہمیں یہ خوشی جاودانی مبارک
ہو سو سال کی شادمانی مبارک
ہمارے لبوں پر دعائیں ہوں دائم
ہمی سے گھروں میں محبت ہو قائم
محبت کی یہ راجدھانی مبارک
ہو سو سال کی شادمانی مبارک
(سعدیہ تسنیم سحر۔جرمنی)