دو عضو اپنے جو کوئی ڈر کر بچائے گا
سیدھا خدا کے فضل سے جنت میں جائے گا
وہ اِک زباں ہے عضو نہانی ہے دوسرا
یہ ہے حدیثِ سیّدنا سیّد الوریٰؐ
(دُرّثمین صفحہ115)
اِحْصَان۔ ۔ ۔ سے مراد خاص وہ پاکدامنی ہے جو مرد اور عورت کی قوت تناسل سے علاقہ رکھتی ہے اور مُحصن یا مُحصِنہ اُس مرد یا اُس عورت کو کہا جائے کہ گا جو حرام کاری یا اس کے مقدمات سے مجتنب رہ کر اس ناپاک بد کاری سے اپنے تئیں روکیں۔۔ ۔ اس جگہ یاد رہے کہ یہ خُلق جس کا نام احصان یا عفت ہے یعنی پاکدامنی۔ یہ اسی حالت میں خُلق کہلائے گاجب کہ ایساشخص جوبد نظری یا بدکاری کی استعداد اپنے اندر رکھتا ہے یعنی قدرت نے وہ قویٰ اس کو دے رکھے ہیںجن کے ذریعہ سے اس جرم کا ارتکاب ہو سکتا ہے اس فعل شنیع سے اپنے تئیں بچائے۔
(اسلامی اصول کی فلاسفی، روحانی خزائن جلد10 صفحہ340)
