آسماں سے مہدئ موعود نے پائی خبر
نور کا پیکر ملے گا تجھ کو اک لخت جگر
ساری قومیں برکتیں پائیں گی اس موعود سے
نورفرقاں سے منور ہوں گی وہ محمود سے
آپ کا استاد خود مولا تھا وہ رب کریم
جلوہ گر ہوتا تھا اس پر روزوشب رب علیم
آپ مظلوموں کے حامی اور تھے ان کے نصیر
آپ کے دم سے رہائی پا گئے لاکھوں اسیر
ان کی تقریروں میں لذت تھی عجب تھی چاشنی
ان کی تقریریں سے ہر سو پھیلتی تھی روشنی
یورپ و افریقہ میں بھیجے مبشر آپ نے
کر دئے گورے و کالے سب منور آپ نے
اس کی ہمت سے ہوئی آباد ربوہ کی زمیں
بن گیا اس کی دعاؤں سے یہ اک شہر حسیں
یاد رکهیں گی تجھے قومیں سدا فضل عمر
رحمتیں بھیجیں گی تجھ پر اے مسیحا کے پسر
مصلح موعود تجھ پر ہر گھڑی ہوں رحمتیں
میرے مولا کی سدا نازل ہوں تجھ پر برکتیں
(خواجہ عبدالمومن۔ناروے)
