عہدیداران کی ذمہ داریاں
جو کام تم اللہ تعالی کی خاطر کر رہے ہو اس میں ہمیشہ خلوص نیت ہونا چاہئے۔ جماعتی عہدے جو تمہیں دیئے جاتے ہیں انہیں نیک نیتی کے ساتھ بجالاؤ۔ صرف عہدے رکھنے کی خواہش نہ کرو بلکہ اس خدمت کا جو حق ہے وہ ادا کرو۔ ایک تو خود اپنی پوری استعدادوں کے ساتھ اس خدمت کو سر انجام دو دوسرے اس عہدے کا صحیح استعمال بھی کرو۔ یہ نہ ہوکہ تمہارے عزیزوں اور رشتہ داروں کے لئے اور اصول ہوں اُن سے نرمی کا سلوک ہو اور غیروں سے مختلف سلوک ہواُن پر تمام قواعد لاگو ہو رہے ہوں۔ ایسا کرنا بھی خیانت ہے۔
(خطبہ جمعہ فرمودہ روزنامہ الفضل 26؍مئی 2004ء)
(مرسلہ: محمد عمر تماپوری۔ انڈیا)