زیمبین کہاوت ہے کہ جب آپ کسی بچے کو چاند دکھاتے ہیں تو وہ آپ کی انگلی ہی دیکھتا ہے۔ (انٹرنیٹ)
یہ مطلب ہو سکتا ہے کہ بعض لوگ بات کے بجائے اس کے کہنے والے پر اندھا اعتماد کرتے ہیں۔ حالانکہ وہ ایک بہلاوہ ہوتی ہے اور اصل مدعا سے دور لے جاتی ہے۔ جیسے بچے کے رونے کے سبب چاند دکھایا جاتا ہے۔ اسی طرح حضرت کنفوشس کا قول مشہور ہے کہ عقلمند آدمی چاند کی طرف اشارہ کرتا ہے اور نادان انگلی کا جائزہ لیتا ہے۔
اس سے مطلب واضح ہو جاتاہے کہ بعض لوگ صرف الفاظ کو پکڑ کر بیٹھ جاتے ہیں اور ان میں چھپے بڑے پیغام کو سمجھ نہیں پاتے۔ اس لئے جو صرف لفظی تقلید کرتے ہیں وہ بڑے مطالب سے محروم ہو جاتے ہیں۔
(ذیشان محمود۔ سیرالیون)