حضرت عبد اللطیف شہیدؓ کا زیارت مسیح موعود کرنا
حضرت مسیح موعود علیہ السلام حضرت صاحبزادہ عبد اللطیف شہید رضی اللہ تعالیٰ عنہ کا ذکر کرتے ہوئے فرماتے ہیں:۔
چونکہ وہ میری شناخت کر چکے تھے کہ یہی شخص موعود ہے۔ اس لئے میری صحبت میں رہنا اُن کو مقدم معلوم ہوا، اور بموجب نص اَطِیۡعُوا اللّٰہَ وَاَطِیۡعُوا الرَّسُوۡلَ (النساء: 60) حج کا ارادہ انہوں نے کسی دوسرے سال پر ڈال دیا اور ہر ایک دل اس بات کو محسوس کر سکتا ہے کہ ایک حج کے ارادہ کرنے والے کے لئے اگر یہ بات پیش آ جائے کہ وہ اس مسیح موعود کو دیکھ لے جس کا تیرہ سو برس سے اہل اسلام میں انتظار ہے تو بموجب نص صریح قرآن اور احادیث کے وہ بغیر اس کی اجازت کے حج کو نہیں جا سکتا۔ ہاں با اجازت اس کے کسی دوسرے وقت میں جا سکتا ہے۔
(تذکرة الشہادتین، روحانی خزائن جلد20 صفحہ49)
(داؤد احمد عابد۔ استاد جامعہ احمدیہ برطانیہ)
