صفائی ایمان کا حصہ ہے
ہمارے مذہب اسلام نے باطنی اور ظاہری صفائی پر بہت زور دیا ہے اللہ تعالیٰ جو ہمارا خالق اور ہر چیز کا مالک ہےوہ پاک ذات ہے اور پاکیزگی اختیار کرنے والوں سے محبت کرتا ہے۔ اس لئے یہ ہمارا فرض ہے کہ ہم شرک، حسد، بغض وعناد، بد ظنی، کبرو غرور اور کینہ پروری جیسی اندرونی کثافتوں سے اپنے تئیں بچائیں اور اسی طرح ظاہری صفائی میں غسل کرنا، دانتوں کی صفائی، صاف ستھرا لباس زیب تن کرنا، میلی کچیلی جرابیں پہننے سے اجتناب کرنا، ہر نماز سے قبل وضو کرنا اور کسی بھی مجلس میں جانے سے قبل تو صفائی کا اور بھی زیادہ خیال رکھنا چاہئے تاکہ اہالیان مجلس ہمارے صحبت سے خوشی محسوس کریں ناکہ ہمارے جسم یا سانس کی بدبو سے ان کے لئے سانس لینا ہی محال ہو جائے۔ حضورﷺ نے تو صفائی کو ایمان کا حصہ قرار دیا ہے۔ اللہ کرے کہ ہم اپنے خیالات کے ساتھ ساتھ، گھر اور گلی کوچوں کو بھی صاف رکھنے والے ہوں۔
(بشریٰ نذیر آفتاب۔ سسکاٹون، کینیڈا)
