ہم نے جو پیمانِ بیعت اپنے مرُشد سے کیا
ہر کوئی اس کو نبھائے گا وہ جب تک بھی جیا
قدرتِ ثانی کا یہ مظہر ہے وہ ابرِ کرم
آسمانی پانی جس سے ہم نے بھی ہر دم پیا
چاہے کتنی آندھیاں ہوں، کیسے ہی طوفاں اٹھیں
جھلملائے گا نہ جان و دل میں روشن یہ دیا
بادۂِ عرفان بٹتا ہے اسی کی بزم میں
جو گیا اس نے بقدرِ ظرف حصّہ بھی لیا
اپنی پُر شفقت دعاؤں میں سموئے دردِ دل
چاک دا مانوں کا اس نے پیار سے دامن سیا
پیار ہے سب سے اسے نفرت کسی سے بھی نہیں
یہ پیامِ آگہی اس نے جہاں بھر کو دیا
ہو عمل اس پر تو ہر جا پر ہو امن و آشتی
چاہے یورپ ہو کہ امریکہ ہو یا ہو ایشیا
(مبارک احمد عابد۔ امریکہ)
