اَللَّهُمَّ مُصَرِّفَ الْقُلُوبِ صَرِّفْ قُلُوبَنَا عَلَى طَاعَتِكَ
(صحیح مسلم کتاب القدر،باب تصریف قلوب اللہ تعالیٰ کیف یشاء:حدیث نمبر: 6750)
ترجمہ: اے اللہ! اے دلوں کو پھیرنے والے! ہمارے دلوں کو اپنی اطاعت پر پھیر دے۔
یہ سید ومولیٰ، خیر البشر، خاتم الانبیاء، پیارے رسول حضرت محمدﷺ کی کامل اطاعتِ الٰہی کے حصول کی عظیم الشان اور پیاری دعا ہے۔
پیارے امام عالی مقام سیّدنا حضرت مرزا مسرور احمد خلیفۃ المسیح الخامس ایَّدہ اللہ تعالیٰ بنصرہ العزیز اس دعا کی طرف توجہ دلاتے ہوئے فرماتے ہیں
پھر ابو ہانی بتاتے ہیں کہ انہوں نے عبدالرحمن الحُبُلی سے سنا اور انہوں نے عبداللہ بن عمرو بن عاصؓ سے، وہ دونوں کہتے تھے کہ انہوں نے رسول اللہ صلی اللہ علیہ وسلم سے سنا۔ آپ نے فرمایا کہ تمام بنی نوع انسان کے دل خدائے رحمن کی انگلیوں میں سے دو انگلیوں میں ایک دل کی مانند ہیں، وہ اسے جیسا چاہتا ہے پھیرتا ہے۔ پھر رسول اللہ صلی اللہ علیہ وسلم نے دعا کی اَللّٰھُمَّ مُصَرِّفَ الْقُلُوْبِ صَرِّفْ قُلُوْبَنَا عَلٰی طَاعَتِکَ۔
(مسلم کتاب القدر باب تصریف اللہ تعالی القلوب کیف شاء)
اے دلوں کو پھیرنے والے! ہمارے دلوں کو اپنی اطاعت میں پھیر دے۔
اطاعت سے مراد اللہ تعالیٰ کی اطاعت بھی ہے اور اللہ تعالیٰ کے بنائے ہوئے نظام کی اطاعت بھی ہے۔ اس کے لئے خاص طور پر یہ دعائیں کرتے رہنا چاہئے۔
(خطبہ جمعہ 13اکتوبر 2006ء،خطبات مسرور، جلد 4 صفحہ:520)
(مرسلہ:مریم رحمٰن)
