حضرت عبد الرحمٰن بن ابی قرادبیان کرتے ہیں کہ نبیﷺ ایک روز وضو کر رہے تھے کہ آپﷺ کے صحابہ وضو والا پانی اپنے ہاتھوں اور چہروں پر ملنے لگے۔ یہ دیکھ کر نبی ﷺ نے فرمایا کہ ایسا تم کس سبب سے کر رہے ہو؟ صحابہ کرام نے جواب دیا اللہ اور اس کے رسول ﷺ کی محبت کی وجہ سے۔ اس پر نبی ﷺنے فرمایا کہ اگر تم اللہ اور اس کے رسول ﷺ سے واقعی محبت کرتے ہو اور چاہتے ہو کہ الله اور اس کا رسول ﷺ بھی تم سے محبت کرے تو اس کے لئے تمہیں یہ کرنا چاہئے کہ ہمیشہ سچ بولو، جب تمہارے پاس امانت رکھی جائے تو اس میں کبھی خیانت نہ کرو اور اپنے پڑوسی سے ہمیشہ حسن سلوک کرو۔
(مشكاة المصابيح، كتاب الأدبو باب الشفقة والرحمة على الخلق الفصل الثالث 4990)
