• 7 اگست, 2020

اے پناہ و مامَن و مَلجائے مَن

اے کہ تُو ہے مُنعم آلائے من
مَیں تِرا بندہ ہوں اے آقائے مَن

لُطف کُن بر من طُفیلِ آنکہ بُود
سیّدِ مَن، شیخِ مَن، مرزائے مَن

ہوں سَقِیمُ الحال اور مَعذُور، گو
اے طبیبِ جُملہ عِلَّت ہائے مَن

عَرض سُن لے مہربانی سے مِری
اے سَمیعِ نالۂ شب ہائے مَن

شِعرخوش کرنے کو کہتا ہوں تِرے
مہرباں ہو، تا، کرم فرمائے مَن

فائدہ بندوں کو بھی پہنچے ضرور
ہے مِرے مدِنظر مولائے مَن

ہوں یہ میرے باقِیاتُ الصّالِحات
اے پناہ و مامَن و مَلجائے مَن

لوگ کرتے ہیں عبادت رات دن
میری یہ خدمت ہے اے ماوائے مَن

نَذر ہیں کچھ قطرہ ہائے خونِ دِل
اے بیادت ہی ہی و ہی ہائے مَن

(حضرت ڈاکٹر میر محمد اسماعیل صاحبؓ ، مطبوعہ الفضل 12؍ نومبر 1943ء)

پچھلا پڑھیں

الفضل آن لائن 22 جولائی 2020

اگلا پڑھیں

Covid-19 عالمی اپڈیٹ 23 جولائی 2020ء