حضرت عبداللہ بن عمر رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: تم لیلة القدر کو آخری عشرہ میں تلاش کرو اگر تم میں سے کوئی کمزور ہو جائے یا عاجز رہ جائے۔ تو وہ آخری سات راتوں میں ہرگز مغلوب نہ ہو جائے۔
(صحیح مسلم کتاب الصیام باب فضل لیلۃ القدر۔۔۔ حدیث نمبر 2765)
حضرت عبداللہ بن عمرؓ بیان کرتے ہیں کہ مَیں نے رسول اللہ صلی اللہ علیہ وسلم کو لیلۃ القدر کے متعلق فرماتے ہوئے سنا کہ تم میں سے بعض کو (لیلة القدر آخری عشرہ کی) پہلی سات راتوں میں دکھائی گئی ہے اور تم میں سے بعض کو آخری سات راتوں میں دکھائی گئی ہے۔ پس تم اسے آخری دس راتوں میں تلاش کرو۔
(صحیح مسلم کتاب الصیام باب فضل لیلۃ القدر۔۔۔ حدیث نمبر 2764)
