افریقی ملک کانگو میں ایبولا وائرس کا خاتمہ/Senegal کے صدر نے خود کو قرنطینہ کرلیا/Eriterea میں مریضوں کا اضافہ/یمن کی نازک صورتحال/خلیجی ممالک میں متأثرین 4 لاکھ سے تجاوز کرگئے/اٹلی میں مزید کیسز/منشیات کے استعمال میں اضافہ/پاکستانی کرکٹ ٹیم کے 10 کھلاڑی کورونا کا شکار
اعدادو شمار
متاثرہ افراد :94لاکھ53ہزار اموات: 4لاکھ83ہزار
براعظم صورتحال
(عالمی ادارہ صحت کے ماتحت علاقے)
براعظم/ علاقے | متأثرین |
امریکہ | 4604134 |
یورپ | 2581602 |
مشرقی بحیرہ روم کے علاقے (مصر، لیبیا، شام، فلسطین، ترکی وغیرہ) | 969656 |
جنوب مشرقی ایشیا | 663308 |
افریقہ | 248558 |
جزیرہ جات (نیوزی لینڈ، آسٹریلیاء، فجی، جاپان، ملائیشیاء وغیرہ ممالک) | 209215 |
درجہ بندی ممالک بلحاظ متأثرین
ملک | کُل متأثرین | کُل اموات | متأثرین (24 گھنٹے) | اموات (24 گھنٹے) | |
1 | امریکہ | 2329463 | 120955 | 34191 | 784 |
2 | برازیل | 1145906 | 52645 | 39436 | 1374 |
3 | روس | 606881 | 8513 | 7176 | 153 |
4 | ہندوستان | 473105 | 14894 | 16922 | 418 |
5 | برطانیہ | 306214 | 42927 | 921 | 280 |
افریقہ |
کل متأثرین: 3لاکھ 36ہزار اموات: 8 ہزار 8سو ریکور ہونے والے: 1 لاکھ 61ہزار (africanews) |
||||
درجہ بندی | کُل متأثرین | کُل اموات | متأثرین (24 گھنٹے) | اموات (24 گھنٹے) | |
1 | جنوبی افریقہ | 111796 | 2205 | 5688 | 103 |
2 | مصر | 59561 | 2450 | 1420 | 85 |
3 | نائجیریا | 22020 | 542 | 649 | 9 |
دنیا بھر میں 24 گھنٹوں میں اب تک اس وائرس سےRecoverہونے والوں کی تعداد 1 لاکھ7ہزار سے زائد رہی جبکہ اب تک کی کُل تعداد 47لاکھ64ہزار ہے۔ جن میں برازیل میں سب سے زیادہ6لاکھ60ہزار لوگ Recover ہوئے، اس کے بعدامریکہ میں6لاکھ56ہزار جبکہ روس میں 3 لاکھ74ہزار Recover ہوئے ہیں۔
(John Hopkins University)
گزشتہ 24 گھنٹوں میں عالمی سطح پر متأثرین کی تعدادمیں تشویشناک 1لاکھ35ہزارکااضافہ ہوا۔اسی طرح اموات میں 4ہزار2سوکااضافہ ہوا ہے۔
عالمی خبریں
- افریقی ممالک میں جہاں کورونا زوروں پر ہے، وہاں گزشتہ چند مہینوں سے ایبولا وائرس نے بھی اثر دکھانا شروع کردیا تھا۔ جس کی وجہ سے کافی اموات بھی واقع ہوئیں۔ البتہ گزشتہ دنوں کانگو کے وزیرصحت نے اس خوش آئیند بات کا اعلان کیا ہے کہ ملک سے ایبولا وائرس تقریباً ختم ہوچکا ہے۔(افریقن نیوز)
- Senegal کے صدر نے حفاظتی اقدام کے پیش نظر اپنے آپ کو مکمل قرنطینہ کرلیا ہے۔ گزشتہ ہفتہ صدر کی چند ایسے احباب سے ملاقات ہوئی تھی جن میں بعد میں کورونا مثبت ہونے کی اطلاع ملنے پر صدر کا بھی کورونا ٹیسٹ کروایا گیا تھا جو منفی آیا تھاالبتہ پھر بھی احتیاط کیلئے فی الحال صدر نے قرنطینہ کو ترجیح دی ہے۔(افریقن نیوز)
- Eritrea میں کورونا مریضوں کی تعداد اگرچہ کم رہی مگر حالیہ چند دنوں میں اس تعداد میں خاطر خواہ اضافہ دیکھنے میں آرہا ہے۔ اور تعداد 39 سے 144 ہوگئی ہے۔(افریقن نیوز)
- عالمی ادارہ صحت کی ایک رپورٹ کے مطابق یمن میں 5 سالہ جنگ کے بعد انتہائی ابتر حالات میں اب عوام کو کورونا کا سامنا ہے اور خدشہ ہے کہ انتہائی ناقابل یقین نقصان ہوگا۔ مزید برآں عالمی ادارے کے مطابق خوراک کی بحالی اور غربت اور افلاس کی شرح کو کم رکھنے سے اس کا حل ممکن ہے۔(الجزیرہ)
- ایک سروے کے مطابق خلیجی ممالک میں کورونا پابندیوں کے اختتام کے بعد سے اب تک متأثرین کی شرح میں انتہائی اضافہ دیکھنے میں آرہا ہے اور کل تعداد 4 لاکھ سے تجاوز کرچکی ہے۔(الجزیرہ)
- اٹلی میں کورونا کیسزمیں مزید اضافہ ہونے لگا ہے۔ گزشتہ دنوں محکمہ ڈاک کے ایک دفتر میں کئی کیسز کا انکشاف ہوا ہے جس کے بعد علاقہ میں حساسیت بڑھ گئی ہے۔ تقریبا 44 لوگوں کے ٹیسٹ بھی کئے گئے ہیں۔(الجزیرہ)
- عالمی ادارہ صحت کی ایک رپورٹ کے مطابق کورونا وبا اور لاک ڈاؤ ن کے ایام میں منشیات کے بزنس اور استعمال میں انتہائی اضافہ ہوچکا ہے۔ حکام کے مطابق اس وائرس کے نتیجہ میں منشیات کی طلب میں بھی اضافہ ممکن ہے۔(الجزیرہ)
- پاکستانی کرکٹ ٹیم کے 10 کھلاڑیوں میں کورونا کا انکشاف ہوچکا ہے۔ واضح رہے کہ ٹیم نے دوران ماہ کے آخر میں برطانیہ کا دورہ کرنا تھا۔ البتہ اب تمام ٹیم ایک ساتھ نہیں جاسکے گی۔ پی سی بی حکام کے مطابق جن کھلاڑیوں کا ٹیسٹ منفی آیا ہے ان سب کا ایک دفعہ دوبارہ ٹیسٹ لیا جائے گا اور منفی آنے کی صورت میں وہ دورہ برطانیہ کے لئے شامل کئے جاسکیں گے۔(الجزیرہ)
(ابوحمدانؔ)