قرآن کریم کی تلاوت کے وقت
خاموشی اختیار کرنی چاہئے
قرآن کریم کا حکم ہے کہ جب قرآن کی تلاوت کی جائے تو خاموشی ہونی چاہئے تا لَعَلَّکُمۡ تُرۡحَمُوۡنَ کہ تم پر رحم کیا جائے۔ آج کل سوشل میڈیا کے دَور میں ایک طرف بچے قرآن پڑھ رہے ہوتے ہیں یا قرآن کلاسز لے رہے ہوتے ہیں۔ اُدھر گھر میں موجود بڑے فونز پر باتیں کرتے ہیں یا ٹی وی پر پروگرام دیکھے جارہے ہوتے ہیں۔ جو درست نہیں۔
اگر ہم اللہ کے رحم کے متمنی ہیں اور لازماً ہیں، تو قرآن کو خاموشی سے سننا چاہئے۔ تا رحم کے حق دار ٹھہریں۔ قرآن کے مکمل کرنے پر آنحضور ﷺ نے جو دعا سکھلائی ہے اس میں اَللّٰھُمَّ ارْحَمْنِی بِالْقُرْآنِ کے الفاظ ہیں کہ اے اللہ! مجھ پر قرآن کے ذریعہ رحم فرما۔
(قاسم محمود۔ اسلام آباد)