پٹواریوں کے لئے زمینداروں کے نذرانے
ایک شخص نے جو اپنی جماعت میں داخل ہیں اور پٹواری ہیں بذریعہ خط حضرت کی خدمت میں عرض کی کہ پٹواریوں کے واسطے کچھ رقوم گورنمنٹ کی طرف سے مقرر ہیں لیکن عام رسم ایسی پڑ گئی ہے کہ پٹواری بعض باتوں میں اس سے زیادہ یا اس کے علاوہ بھی لیتے ہیں اور زمیندار بخوشی خاطر خود ہی بغیر مانگے دے جاتے ہیں آیا اس کا لینا جائز ہے یا کہ نہیں؟
حضرت مسیح موعودؑ نے فرمایا۔
اگر ایسے لینے کی خبر باضابطہ حکام تک بالفرض پہنچ جائے اور بموجب قانون اس پر فتنہ اٹھنے کا خوف ہو سکتا ہو تو یہ ناجائز ہے۔
(بدر 24مئی 1908ءصفحہ8)
(داؤد احمد عابد۔ استاد جامعہ احمدیہ برطانیہ)