- تجربات روک دیئے گئے
- خاموش وائرس حملہ کا خدشہ
- ساڑھے تین صد ڈاکٹرز متاثر
افریقہ میں کورونا وائرس کی موجودہ صورت حال
| کل مریض | تندرست ہونے والے | اموات |
| 116,137 | 46,605 | 3,485 |
کیسز کی تعداد کے لحاظ سے پہلے پانچ ممالک
| ملک | متاثرین | |
| 1 | جنوبی افریقہ | 23615 |
| 2 | مصر | 17967 |
| 3 | الجیریا | 8503 |
| 4 | نائیجریا | 8068 |
| 5 | مراکش | 7532 |
گزشتہ چوبیس گھنٹوں میں 3956 مریضوں اور 129اموات کا اضافہ ۔
عطیات سے لوگوں کی حالت بگڑ گئی
کینیا دارالحکومت نیروبی کے باہر ایک انتخابی حلقے میں کینیا کے نائب صدر William Rutoکی فاؤنڈیشن کے نام کے نشان والے تھیلے میں راشن تقسیم کیا گیا۔ ان عطیات سے بعض لوگوں کی طبیعت خراب ہوگئی ۔ کچھ مریضوں کی حالت تشویشناک ہے ۔
ادھر نائب صدر William Ruto نے ایسے کسی غذائی عطیہ کی نفی کی ہے۔ان کے ترجمان نے کہا :ظاہر ہوتا ہے کہ جعلی برانڈنگ کے ذریعہ یہ عجیب و غریب عطیات عوام تک پہنچا ئے گئے ۔ یہ فاؤنڈیشن کی طرف سے نہیں تھے۔” (بی بی سی افریقہ )
ڈرائیورز گرفتار
یوگنڈا کے حکام نے کینیا سے ملحقہ سرحد پر کورونا وائرس کے مرکز سے فرار ہونے والے 25 ڈرائیورز میں سے 7 کو گرفتار کر لیا ہے ۔ (بی بی سی افریقہ )
موزمبیق میں پہلی کورونا موت
موزمبیق نے اپنی پہلی کورونا وائرس کی موت کی اطلاع کنفرم کی ہے – یہ شمالی صوبہ کا ایک 13 سالہ لڑکا ہے۔ ملک میں کورونا کے ٹوٹل کیسز 209ہیں۔ (بی بی سی افریقہ)
خاموش وائرس حملہ کا خدشہ
خبر رساں ادارے روئٹرز کے مطابق ، ایک عہدیدار کے حوالے سے بتایا گیا ہے کہ عالمی ادارہ صحت کو خدشہ ہے کہ اگر افریقہ کے رہنماؤں نے کورونا وائرس کی تشخیص کو ترجیح نہ دی تو افریقہ کو "خاموش وبا” کا سامنا کرنا پڑ سکتا ہے۔ (بی بی سی افریقہ)
تجربات روک دیئے گئے
ورلڈ ہیلتھ آرگنائزیشن کا کہنا ہے کہ وہ عارضی طور کلوروکین پر اپنے کلینیکل ٹرائلز کو روک رہا ہے ۔ یہ دوائی کورونا کے مریض کو فائدہ کے بجائے کہیں زیادہ نقصان پہنچا سکتی ہے ۔۔(افریقہ نیوز )
وبا سے پہلے ہی سکول بند تھے
کورونا وائرس کی وجہ سے بند سکولوں کے متعلق توقع ہے کہ اگلے ہفتے کھل جائیں گے ۔ لیکن سیکورٹی وجوہات کی وجہ سے بند ہونے والے شاید نہ کھل سکیں گے ۔ این جی او ہیومن رائٹس واچ کے ذریعہ منگل 26 مئی کو جاری ہونے والی ایک رپورٹ کے مطابق برکینا فاسو کے شمال میں 2500 سے زیادہ اسکول سیکورٹی کی بنا پر وبا سے پہلے ہی بند کر دئے گئے تھے ۔مالی ، نائجر اور برکینا فاسو میں ، یکم اور 2 جون کو کچھ کلاسوں کے دوبارہ کھلنے کا شیڈول بنایا گیا ہے۔ RFI
ساڑھے تین صد ڈاکٹرز متاثر
مصر کی میڈیکل یونین نے فرنٹ لائن ہیلتھ اسٹاف میں نئے کورونا وائرس کے پھیلاؤ کے پیش نظر وزارت صحت پر "غیر فعال اور نظراندازی” کا الزام لگایا ہے۔ جب سے ملک میں وباشروع ہوئی ہے 350 ڈاکٹرز متاثر ہو چکے ہیں جن میں سے 19 کی کورونا سے موت ہو چکی ہے۔ یونین کے مطابق یہ ہلاکتیں حکومت کی غفلت کی وجہ سے ہوئی ہیں ۔ RFI
جبوتی میں مریضوں کی بڑھتی تعداد
جبوتی نے شاید لاک ڈاؤن میں نرمی کرنے میں جلدی کی ہے 10 مئی سے پابندیوں میں نرمی کرنے کے بعد وبا کے بڑھنے کی رفتار پریشان کن ہے ۔ روزانہ 100 سے 200 نئے کیسز آرہے ہیں ۔دس 10 لاکھ کی آبادی کے ا س ملک میں کورونا کے 2،200 کیسز ہیں۔ RFI
مڈگاسکر میں تشویش ناک صورت حال
ملاگاسی حکومت نے ملک کے دوسرے بڑے شہر میں فوجیوں اور ڈاکٹروں کی کمک بھیجنے کا اعلان کیا ہے۔ حالیہ دنوں میں ، شہر کی گلیوں میں متعدد لاشیں ملی ہیں ، اور ان ہلاکتوں کی وجوہات کا ابھی تک پتہ نہیں چل سکا ہے۔ RFI
پانی کی کمی
OXFAMکی ایک رپورٹ کے مطابق ، کورونا وائرس اور پہلے سے موجود تنازعات کی وجہ سے ، برکینا فاسو میں ایک ملین سے زیادہ خواتین کو جنسی تشدد ، بھوک اور پانی کی کمی میں اضافے کا سامنا کرنا پڑ رہا ہے ۔ RFI
بینن
بینن نے 25 مئی 2020 تک کورونا کے کل 208 تصدیق شدہ کیسز ہیں ۔ 118 افراد ٹھیک ہوئے۔ور 3 اموات ہیں ۔ /www.gouv.bj
(چوہدری نعیم احمد باجوہ)
