تلاوت قرآن کریم کی دعائیں
قرآن شریف کی تلاوت شروع کرنے سے پہلے تعوذ یعنی اَعُوذُبِاللّٰہِ مِنَ الشَّیطَانِ الرَّجِیمِ پڑھا جائے یعنی میں راندے ہوئے شیطان سے اللہ کی پناہ میں آتا ہوں نیز ہر اہم کام کی طرح تلاوت سے پہلے بھی بسمِ اِللّٰہِ الرَّحمٰنِ الرَّحِیمِ پڑھنا موجب برکت ہے۔
حضرت عوفؓ بن مالک اشجعی بیان کرتے ہیں کہ مَیں رسول اللہ صلی اللہ علیہ وسلم کے ساتھ نفل نماز کے لئے کھڑا ہوا آپ صلی اللہ علیہ وسلم نے سورۃ بقرہ کی تلاوت کی۔ آپؐ کسی رحمت کی آیت سے نہیں گزرے مگر رُک کر رحمت طلب کرتے۔ اور کسی عذاب کی آیت سے نہیں گزرے مگر وہاں توقّف فرما کر عذاب سے پناہ مانگتے۔
(ابو داؤد کتاب الصلوٰۃ)
حضرت حذیفہؓ کی روایت میں یہ بھی ذکر ہے کہ جہاں تسبیح کا موقع ہوتا وہاں آپ صلی اللہ علیہ وسلم سبحان اللّٰہ کہتے یعنی اللہ پاک ہے۔
(مسلم کتاب الصلوٰۃ)
(مناجات رسولؐ از خزینۃ الدعا مرتبہ علامہ ایچ ایم طارق ایڈیشن2014ء صفحہ84)
(مرسلہ: عائشہ چوہدری۔جرمنی)
