زائن کی وادیوں سے اسلام کا سورج طلوع ہوا
قریہٴ ڈوئی کی گھاٹیوں سے اسلام کا سورج طلوع ہوا
اہلِ زائن کی تقدیر بدل دی مسجد فتح عظیم کی تعمیر نے
نعرہءِ تکبیر کی چنگاریوں سے اسلام کا سورج طلوع ہوا
سیلِ رواں مضطرب عشاق کے، درود و سلام کی گونج میں
امن و آشتی کی نداؤں سے اسلام کا سورج طلوع ہوا
نورِ سماوی کے مظہر، لختِ جگر مسیح الزماں کی تہجد میں
نیم شب کے بہتے اشکوں سے اسلام کا سورج طلوع ہوا
امامِ وقت کے ہاتھوں افتتاحِ مسجد فتح عظیم کی صورت
شیلو ہاؤس کی رہداریوں سے اسلام کا سورج طلوع ہوا
تائیدِ روح القدوس اور اُنس و وفا ءِ ختم الرسل سے
مرکزِ اہلِ تثلیث کی فضاؤں میں اسلام کا سورج طلوع ہوا
عہدِ مبارک خلیفۃ المسیح الالخامس میں پیشگوئی مسیح ہوئی پوری
لہراتے فتح و ظفر کے پرچموں سے اسلام کا سورج طلوع ہوا
شہرِ ڈوئی کے قلبِ قریہ میں اللہ کی توحید کی بنا رکھ کر
غلامان مسیح الزماںؑ کی اذانوں سے اسلام کا سورج طلوع ہوا
ڈوئی حرفِ غلط کی طرح مٹا، ریاضؔ دعاؤں کے اثر سے
نیم شب کی عاجزانہ دعاؤں سے اسلام کا سورج طلوع ہوا
(ریاض احمد ملک)
