چین میں 5 لاکھ افراد پر لاک ڈاؤن کا نفاذ/اٹلی میں کورونا کیسز میں کمی /سری لنکا میں جاری لاک ڈاؤن ختم/فلپائن میں کورونا متأثرین میں انتہائی شدت/جنوبی کوریا میں شائقین کو سٹیڈیم جانے کی اجازت مل گئی/ایران کو امریکی پابندیوں کی وجہ سے کورونا کے مقابلہ میں مشکلات کا سامنا
اعدادو شمار
متاثرہ افراد :1 کروڑ6ہزار اموات: 4لاکھ99ہزار
براعظم صورتحال
(عالمی ادارہ صحت کے ماتحت علاقے)
| براعظم/ علاقے | متأثرین |
| امریکہ | 4933972 |
| یورپ | 2638903 |
| مشرقی بحیرہ روم کے علاقے (مصر، لیبیا، شام، فلسطین، ترکی وغیرہ) | 1024222 |
| جنوب مشرقی ایشیا | 735854 |
| افریقہ | 278815 |
| جزیرہ جات (نیوزی لینڈ، آسٹریلیاء، فجی، جاپان، ملائیشیاء وغیرہ ممالک) | 213032 |
درجہ بندی ممالک بلحاظ متأثرین
| ملک | کُل متأثرین | کُل اموات | متأثرین (24 گھنٹے) | اموات (24 گھنٹے) | |
| 1 | امریکہ | 2452048 | 124811 | 44458 | 650 |
| 2 | برازیل | 1274974 | 55961 | 46860 | 990 |
| 3 | روس | 627646 | 8969 | 6852 | 188 |
| افریقہ |
کل متأثرین: 3لاکھ 71ہزار اموات: 9ہزار 5سو ریکور ہونے والے: 1 لاکھ78ہزار (africanews) |
||||
| درجہ بندی | کُل متأثرین | کُل اموات | متأثرین (24 گھنٹے) | اموات (24 گھنٹے) | |
| 1 | جنوبی افریقہ | 131800 | 2340 | 7210 | 73 |
| 2 | مصر | 63923 | 2708 | 1168 | 88 |
| 3 | نائجیریا | 24077 | 558 | 779 | 4 |
دنیا بھر میں 24 گھنٹوں میں اب تک اس وائرس سے Recover ہونے والوں کی تعداد 1لاکھ 3ہزار سے زائد رہی جبکہ اب تک کی کُل تعداد 50لاکھ70ہزار ہے۔ جن میں برازیل میں سب سے زیادہ7لاکھ28ہزار لوگ Recover ہوئے، اس کے بعدامریکہ میں6لاکھ79ہزار جبکہ روس میں 3 لاکھ98ہزار Recover ہوئے ہیں۔
(John Hopkins University)
گزشتہ 24 گھنٹوں میں عالمی سطح پر متأثرین کی تعداد میں تشویشناک 1لاکھ60ہرزارکااضافہ ہوا۔اسی طرح اموات میں 6ہزار2سوکااضافہ ہوا ہے۔
عالمی خبریں
- چین میں کورونا متأثرین کی بڑھتی ہوئی تعداد کو روکنے کیلئے حکومت نے بیجنگ اور اس کے مضافات میں تقریبا 5 لاکھ سے زائد افراد پر لاک ڈاؤن نفاذ کردیا ہے اور کڑی نگرانی جاری ہے تاکہ وبا کی مزید منتقلی کو روکا جاسکے۔(الجزیرہ)
- اٹلی میں کورونا کی وجہ سے شدید نقصان کے بعد آہستہ آہستہ حالات قابو میں نظر آرہے ہیں ۔ اسی ضمن میں گزشتہ دنوں ہلاکتوں کی اب تک کی سب سے کم تعداد دیکھنے میں سامنے آئی ہے۔(الجزیرہ)
- سری لنکا میں جاری لاک ڈاؤن اب ختم کردیا گیا ہے ، حکام کے مطابق ملک میں اب مزید پھیلاؤ کا امکان انتہائی کم ہوچکا ہے اس لئے لاک ڈاؤن میں نرمی کی جارہی ہے۔(الجزیرہ)
- فلپائن میں کورونا متأثرین کی تعداد میں شدید اضافہ دیکھنے میں آیا ہے۔ ایک سروے کے مطابق 16 تا 28 جون کے درمیان نئے کیسز کی تعداد 9655 رہی ہے۔(الجزیرہ)
- جنوبی کوریا نے شائقین کو محدود پیمانہ پر سٹیڈیم کا رخ کرنے کی اجازت دے دی ہے۔ یہ اجازت ملک میں جاری کھیلوں میں دلچسپی رکھنے والوں کے رجحان کو دیکھ کر کی گئی ہے۔ البتہ حکومت نے تمام حفاظتی اقدامات اور احتیاطی تدابیر پر عمل کرنے کی سختی سے تلقین کی ہے۔(الجزیرہ)
- ایرانی صدر حسن روحانی نے امریکی پابندیوں کی بابت کہا ہے کہ کورونا حالات میں ایک طرف وبا کے مقابلہ کی وجہ سے ملکی حالات انتہائی شدت کا شکار ہیں جبکہ دوسری طرف امریکہ کی طرف سے عائد کی گئی پابندیوں کے باعث اس وبا سے مقابلہ کرنے میں شدید مشکلات کا سامنا ہے۔(الجزیرہ)
(ابوحمدانؔ)
