ایسے نو آموز شعراء کا کلام جنہوں نے روزنامہ الفضل آن لائن لندن کے
حُسن میں اضافہ کے لئے اپنے قلم کو حرکت دی
ذکر انؐ کا شعار ہو جائے
سانس بھی مُشکبار ہو جائے
تو ہو راضی جو میرے آقاؐ تو
راضی پروردگار ہو جائے
اُنؐ کی سیرت سے اور سنت سے
زندگی باوقار ہو جائے
کاش غنچے کھلیں مودت کے
کاش ہم پر بہار ہو جائے
ڈولتی زیست کی یہ ناؤ بھی
تیری رحمت سے پار ہو جائے
اک سفر ہو مرا مدینے کا
اور وہی یادگار ہو جائے
اشک نکلے دیا ندامت کا
’’انؐ کی رہ کا غبار ہو جائے‘‘
(سعدیہ مبارکہ۔فجی)