نیت کی پڑتال
اسلامی تعلیمات کے مطابق ہمارا ہر عمل نیت پر موقوف ہے۔ اگر انسان اپنے ہر عمل سے پہلے اپنی ذات سے یہ سوال کرے کہ میرے اس عمل کو کرنے کا کیا مقصد ہے؟ تو نا صرف یہ کہ اپنی نیت کی پڑتال ہو جاتی ہے بلکہ نیت کا یہی جائزہ اکثر کاموں کو غلط قرار دے کر ہمیں برائیوں کی طرف قدم بڑھانے سے روکنے کا باعث بھی بن جاتا ہے۔
اسی طرح روزمرہ زندگی کے بہت سے کام ہم عادتاً یعنی بغیر کسی نیت کے کرتے ہیں۔ اگر انہی کاموں کو نیک نیتی کے ساتھ جوڑ لیا جائے تو وہی عمل کارِ ثواب بن جاتا ہے۔
(مرسلہ: ثمرہ خالد۔ جرمنی)
