اے خدا مجھ کو تو دنیا میں مزا آتا نہیں

اے خدا مجھ کو تودنیا میں مزا آتا نہیں
اس جہاں کا کوئی بھی منظرمجھے بھاتا نہیں

کفرمنزل اوج کی طے کر رہا ہے رات دن
تجھ سے اسلام کیوں آگے بڑھا جاتا نہیں

گرمسلمانوں نے چھوڑا احمدی تیار ہے
خدمتِ دیں میں وہ مرنے سے بھی گبھراتا نہیں

عہد کرتے ہیں کہ ہم ہر چیز سے تیار ہیں
ظلم اب اسلام پر ہم سے سہا جاتا نہیں

جان و دل حاضر ہیں تیری راہ میں پر اے خدا
بے مدد ان نیم جانوں سے لڑا جاتا نہیں

اے مسلمانو! اٹھو غفلت کو اپنی چھوڑ دو
کیا تمہیں اسلام پر بھی رحم کچھ آتا نہیں

چاہتے ہو تم اگر اسلام پھر پھولے پھلے
چھوڑ دووہ راگ جس کو آسماں گاتا نہیں

(حضرت صاحبزادہ مرزا شریف احمد صاحبؓ، مطبوعہ (شعراء احمدیت مصنفہ سید سلیم شاہجہانپوری صفحہ 146)