بِسْمِ اللّٰہِ تَوَکَّلْتُ عَلَی اللّٰہِ اَللّٰہُمَّ اِنِّیْ اَعُوْذُ بِکَ اَنْ اَضِلَّ اَوْ اُضَلَّ، اَوْ اَزِلَّ اَوْ اُزَلَّ، اَوْ اَظْلِمَ اَوْ اُظْلَمَ، اَوْ اَجْھَلَ اَوْ یُجْھَلَ عَلَیَّ
(ابو داؤد کتاب الادب)
ترجمہ: ’’اللہ تعالیٰ کے نام سے شروع کرتا ہوں۔ اللہ تعالیٰ پر توکل کرتا ہوں۔ اے میرے اللہ میں گمراہ ہونے سے تیری پناہ مانگتا ہوں۔ اِسی طرح گمراہ کئے جانے سے بھی۔ پھسلنے اور پھسلائے جانے سے تیری پناہ مانگتا ہوں۔ ظالم اور مظلوم بننے سے تیری پناہ مانگتا ہوں۔ اور اس بات سے بھی کہ میں کسی سے جہالت سے پیش آؤں اور اس پر زیادتی کروں یا مجھ سے ایسا ناروا سلوک کیا جائے‘‘۔
یہ پیارے ر سول کریمﷺ کی گھر سے باہر جانے کی دعا ہے۔ حضرت امِّ سلمہ رضی اللہ عنھا بیان کرتی ہیں کہ آنحضرت ﷺ جب گھر سے باہر نکلتے تو یہ دعا پڑھتے تھے۔
(مرسلہ: قدسیہ محمود سردار)
