باغبانی کا شوق کسے نہیں یا پھر کون ہے جو رنگا رنگ، خوش نما پھولوں کے پاس سے گذرے اور انکی بھینی بھینی خوشبو سے فرحت و تازگی سے ہمکنار نہ ہو اور آنکھوں کو ٹھنڈک اور دماغوں کو طراوت نصیب نہ ہو۔ اور دنیا و مافیھا کے غم و ہم کو بھول کر ان حسین و جمیل، خوش رنگ اور خوش شکل پھولوں کی رعنائی سے لطف اندوز نہ ہو۔ یہی حال دل کے موسم کا ہے، روحانیت کے موسم کا جسے قرآنِ کریم کی ارفع و اعلیٰ تعلیم کی خوبصو رتی سے باغ و بہار بنایا جاسکتا ہے، ذکر الہٰی سے دلوں کی ویران و بے آباد زمین کو آباد اور سرسبز و شاداب کیا جا سکتا ہے۔
(بشریٰ نذیر آفتاب۔ سسکاٹون، کینیڈا)
