خاکسار کل اپنی بہن کے ساتھ اس کی ایک واقف جرمن خاتون جن کی عمر لگ بھگ اسی برس کے قریب ہو گی، سے کسی بات کی معلومات حاصل کرنے کے لئے گئی۔ دروازہ پر ہی اس نے حال چال پوچھا اور صحت و سلامتی کی دعا دی اور بہت شکر گزاری سے کہنے لگیں کہ اس عمر میں اس سے زیادہ اور کیا چاہیے ۔یعنی صحت و سلامتی کے علاوہ، پھر ہم نے اسکی ساتھ والی ہمسائی کا جس کا پچھلے ماہ انتقال ہو گیا تھا تعزیت کی۔ جرمن خاتون بڑی محبت لیکن تاسف سے کہنے لگیں کی ہم دونوں ساٹھ (60)سال سے ہمسائیاں تھیں۔ روزانہ صبح ایک دوسرے کا چہرہ دیکھ لیتں تھیں۔ سلام دعا ہوجاتی تھی۔ اس کی اس بات کا میرے پہ بہت ہی خوشگوار اثر ہوا۔ اسلام نے ہمسایوں کے بہت حقوق رکھے ہیں۔ اللہ کرے ہم بھی انکا خیال رکھنے والے ہوں، آمین۔
(مبارکہ شاہین، جرمنی)
