روزوں کی غرض، حصول رضائے الہٰی
حضرت مسیح موعود علیہ السلام فر ماتے ہیں:
’’اصل بات یہ ہے کہ قرآن شریف کی رخصتوں پر عمل کرنا بھی تقویٰ ہے۔ خدا تعالیٰ نے مسافر اور بیمار کو دوسرے وقت رکھنے کی اجازت اور رخصت دی ہے اس لئے اس حکم پر بھی تو عمل رکھنا چاہئے۔ مَیں نے پڑھا ہے کہ اکثر اکابر اس طرف گئے ہیں کہ اگر کوئی حالت ِ سفر یا بیماری میں روزہ رکھتا ہے تو معصیت ہے کیونکہ غرض تو اللہ تعالیٰ کی رضا ہے نہ اپنی مرضی اور اللہ تعالیٰ کی رضا فر ما نبرداری میں ہے جو حکم وہ دے اس کی اطاعت کی جاوے اور اپنی طرف سے اس پر حاشیہ نہ چڑھایا جاوے۔‘‘
(الحکم 31 جنوری 1907ء صفحہ14)
(داؤد احمد عابد۔استاد جامعہ احمدیہ برطانیہ)
