عقیقہ کے واسطے کتنے بکرے مطلوب ہیں؟
ایک صاحب کا حضرت اقدس مسیح موعودؑ کی خدمت میں سوال پیش ہوا کہ اگر کسی کے گھر لڑکا پیدا ہو تو کیا یہ جائز ہے کہ وہ عقیقہ پر صرف ایک بکرا ہی ذبح کرے؟
فرمایا:۔ عقیقہ میں لڑکے کے واسطے دو بکرے ہی ضروری ہیں۔ لیکن یہ اس کے واسطے ہے جو صاحب مقدرت ہے۔ اگر کوئی شخص دو بکروں کے خریدنے کی طاقت نہیں رکھتا اور ایک خرید سکتا ہے تو اس کے واسطے جائز ہے کہ ایک ہی ذبح کرے اور اگر ایسا ہی غریب ہو کہ وہ ایک بھی قربانی نہیں کر سکتا تو اس پر فرض نہیں کہ خواہ مخواہ قربانی کرے۔ مسکین کو معاف ہے۔
(بدر 26 دسمبر 1907ء صفحہ2)
(داؤد احمد عابد۔ استاد جامعہ احمدیہ برطانیہ)
