مقابلہ حفظِ قرآن

اللہ تعالیٰ کے حکم وَلَقَدۡ یَسَّرۡنَا الۡقُرۡاٰنَ لِلذِّکۡرِ فَہَلۡ مِنۡ مُّدَّکِرٍ یعنی اور یقیناً ہم نے قرآن کو یاد کرنے کی خاطر آسان بنادیا۔ پس کوئی ہے یاد کرنے والا؟ کی تعمیل میں مجلس انصاراللہ برطانیہ کے سالانہ پروگرام کے مطابق طاہر ریجن کے انصار بھائیوں کو امسال حفظ قرآن کے مقابلہ میں شمولیت کے لئے سال کے شروع میں ہی تیاری کے لئے درخواست کی گئی اور یہ سلسلہ باقاعدگی کے ساتھ جاری رہے۔

امسال حفظ قرآن کا سلیبس قرآن کریم کی وہ صورتیں اور آیات ہیں جو حضرت امیرالمومنین ایدہ اللہ تعالیٰ بنصرہ العزیز اپنی نمازوں میں بالعموم تلاوت فرماتے ہیں۔

مؤرخہ 17 اپریل 2022ء کومجلس انصاراللہ طاہر ریجن کی طرف سے مرکز کی رہنمائی میں حفظ قرآن کے مقابلہ کا انتظام کیا گیا۔ جس کی رپورٹ ذیل میں پیش کی جاتی ہے۔

مجالس اور زعماء کرام سے رابطہ

تمام زعماء کرام اور منتظمین تعلیم سے تسلسل کے ساتھ رابطہ رکھا گیا اور ہر ہفتہ قرآن کلاس کے موقع پر اور سوشل میڈیا کی سہولت استعمال کرتے ہوئے انصار بھائیوں کو اس پروگرام میں شامل ہونے کی باقاعدگی سے تحریک کی جاتی رہی۔ اَلْحَمْدُ لِلّٰہِ

پروگرام کی تفصیل

حفظ قرآن کا پروگرام مسجد فضل محمود ہال میں رکھا گیا۔ایک ماہ قبل ہال کی منظوری کی اجازت کی کارروائی کی گئی اور منظوری کے بعد تمام مجالس کو اس کی اطلاع دی گئی۔ یاد رہے کہ Covid-19 کے بعد یہ پہلا face to face پروگرام تھا جو شعبہ تعلیم طاہر ریجن کے تحت کیا گیا۔ اَلْحَمْدُ لِلّٰہِ

رجسٹریشن

محمودہا ل میں حفظ قرآن میں شامل ہونے والے انصار بھائیوں کے لئے باقاعدہ ایک رجسٹریشن ڈیسک بنایا گیاتھا۔39۔انصار بھائیوں نے رجسٹریشن کروائی،اس کے علاوہ 6۔انصار بھائیوں نے آن لائن حصہ لیا۔

ڈیسک کا قیام

انصار بھائیوں کی سہولت کے لئے رجسٹریشن ڈیسک کے علاوہ تین دیگر ڈیسک بنائے گئے جو محمود ہال میں مناسب فاصلہ پر قائم کیے گئے۔ چنانچہ ان تینوں ڈیسک پر ایک ایک جج صاحب نے انصار سے قرآن کریم سنا۔

بیمار و Disable Persons کے لئے
آن لائن سہولت

ریجن کی مجالس میں چند احباب بیمار اور صاحب ِفراش ہیں ان کی سہولت کے لئے زعماء کرام کو باقاعدہ آگاہ کیا گیاتھا کہ اگرکوئی ایسے دوست جواپنی معذوری کی وجہ سے بنفس نفیس تشریف نہیں لاسکتے تو انہیں آن لائن اس پروگرام میں شمولیت کی سہولت ہو گی۔ چنانچہ 6-ایسے انصار بھائیوں کو آن لائن سہولت دی گئی ان میں ایک دوست اپنی رخصت کے سلسلہ میں باہر تھے انہیں بھی یہ سہولت دی گئی۔یہ سہولت حاصل کرنے والوں کو کیمرہ آن کرکے شمولیت کی اجازت تھی۔ اَلْحَمْدُ لِلّٰہِ یہ تجربہ بھی بہت اچھا رہا۔

آغاز تقریب/پروگرام

حفظ قرآن کے پروگرام کا آغاز گیارہ بجے تلاوت قرآن کریم سے ہوا۔ مکرم غلام رسول صاحب ناظم تعلیم القرآن طاہر ریجن نے سورۃ الصف کی آیت یٰۤاَیُّہَا الَّذِیۡنَ اٰمَنُوۡا کُوۡنُوۡۤا اَنۡصَارَ اللّٰہِ۔۔۔۔ کی تلاو ت نہایت خوش الحانی سے کی اور انگریزی و اردو میں ترجمہ پیش کیا۔

تلاوت قرآن کے بعد مکرم آصف احمد صاحب ناظم اعلی طاہر ریجن نے عہد دہرایا۔عہد کے بعد مکرم توقیراحمد صاحب مربی سلسلہ نے قرآن کریم کی تلاوت اور اسے یاد کرنے کی برکات و فیوض کے بارہ میں انگریزی اور اردو دونوں زبانوں میں مختصر خطاب کیا۔

ناظم صاحب تعلیم طاہر ریجن نے تمام انصار بھائیوں کا شکریہ ادا کیا اور ججز کے مختصر تعارف کے علاوہ بعض اعلانات کیےاور مکرم ناظم اعلیٰ صاحب کو دعا کی درخواست کی،دعا کے بعد حفظ قرآن کے ٹیسٹ کا آغاز کر دیا گیا۔

جیساکہ قبل ازیں بیان کیا گیاہے کہ حفظ قرآن کا سلیبس قرآن کریم کی وہ صورتیں اور آیات تھیں جو حضرت امیرالمومنین ایدہ اللہ تعالیٰ بنصرہ العزیز اپنی نمازوں میں بالعموم تلاوت فرماتے ہیں۔ اس لحاظ سے اس میں نسبتاً شوق سے انصار نے شمولیت اختیار کی۔ تین ڈیسک بنائے گئے تھے ہرایک ڈیسک پر ایک جج صاحب تشریف فرماتھے۔ انصار باری باری ڈیسک پر جا کر امتحان دیتے رہے۔ ججز کرام نے بڑی توجہ اور پیار سے انصار بھائیوں سے زبانی آیات اور صورتیں سنیں۔ فَجَزَاہُمُ اللّٰہُ اَحْسَنَ الْجَزَآء

درج ذیل تین جج صاحبان نے اپنی خدمات پیش کیں۔

1. مکرم توقیر احمد صاحب مربی سلسلہ
2. مکرم محمود اللہ خان صاحب (ریجن کی قرآن کلاس لیتے ہیں)
3. مکرم غلام رسول صاحب ناظم تعلیم القرآن طاہر ریجن

اللہ تعالیٰ کے فضل سے 24۔انصار بھائی کامیاب قرار پائے۔ان کے اسماء درج ذیل ہیں۔ اس دعا کے ساتھ رپورٹ پیش خدمت ہے کہ اللہ تعالیٰ ہمیں ان برکات اور نعمتوں کا مستحق ٹھہرائے جو ان بابرکت پروگرامز کے مقاصد میں شامل ہیں نیز ہمیں اپنی رضا کی راہوں پرہمیشہ سرگرداں رہنے کی توفیق دیتا چلاجائے، ان راہوں پر جو حسنات دارین کا باعث ہوں۔ آمین

Name	Majlis	۔No
Mahmood ullah Khan	Battersea	1
Nasir Ahamd	Tooting Bec	2
Ghulam Rasool	Earlsfield	3
Muhammad Rafique Bhatti	Clapham Jcn	4
Hakeem Mensah	Peckham	5
Salahuddin Sahib	Battersea	6
Abdul Waheed	Wandsworth	7
Waheed Ahmad	Battersea	8
Mansoor Abrar	Earlsfield	9
Zahid Shafique	Clapham Jcn	10
Naeem Ahmed	Clapham Jcn	11
Munir Ahmad Nasar	Wandsworth Town	12
Sardar Naseer Ahmad	Wandsworth Town	13
Syed Nasir Safeer	Earlsfield	14
Ahmad Yanful	Peckham	15
Mamoor Ahmad Khan	Burntwood	16
Masood Mubashir	Burntwood	17
Waseem Ahmad Shahid	Wandsworth Town	18
Tahir Mahmood	Wandsworth	19
Ahmad Ali Khan	Battersea	20
Abdul Rehman	Wandsworth Town	21
Naseer ul Haq	Wandsworth	22
Abdul Quddus Qamar Javed	Wandsworth Town	23
Ehsan Qamar	Battersea	24

(رپورٹ: وحید احمد۔ناظم تعلیم مجلس انصاراللہ طاہر ریجن، برطانیہ)