طلاق دینے میں جلدی نہ کرنے میں اجر
حضرت مسیح موعود علیہ السلام فرماتے ہیں۔
’’اور جو خدا سے ڈرے گا یعنی طلاق دینے میں جلدی نہیں کرے گا خدا اس کے کام میں آسانی پیدا کر دے گا۔ یہ خدا کا حکم ہے جو تمہاری طرف اُتارا گیا اور جو خدا سے ڈرے گا یعنی طلاق دینے میں جلدی نہیں کرے گا اور حتی الوسع طلاق سے دستبردار رہے گا خدا اس کے تمام گناہ معاف کردے گا اور اس کو بہت بڑا اجر دے گا‘‘
(آریہ دھرم، روحانی خزائن جلد10 صفحہ53 مطبوعہ نومبر 1984ء)
(داؤد احمد عابد۔ استاد جامعہ احمدیہ برطانیہ)