اللہ تعالیٰ کے فضل اور حضور انور ایدہ اللہ تعالیٰ بنصرہ العزیز کی دعاؤں اور رہنمائی سے مجلس خدام الاحمدیہ بیلجیئم کو سال بھر متعدد تربیتی و تفریحی پروگرام کے انعقاد کی توفیق ملتی ہے۔ان پروگرامز میں ایک خاص تفریحی پروگرام نیشنل پکنک کا ہوتا ہے، جو خدام بہت پسند کرتےاور بہت شوق سے حصہ لیتے ہیں۔ امسال نیشنل پکنک کے لئے نیشنل عاملہ کی میٹنگ میں بیلجیم کے شہر Maasmechelen میں رافٹنگ (rafting) کا پروگرام بنایا گیا۔نیشنل پکنک کا انعقاد مؤرخہ 17؍جولائی بروز اتوار ہوا، جس میں بیلجیئم کی مختلف مجالس سے چالیس سے زیادہ خدام نے حصہ لیا۔تمام خدام Kajak Maasland کے سٹارٹنگ پؤنٹ پر جمع ہوئے، جہاں ایک بجے رافٹنگ شروع کی اور شام سات بجے تیرہ کلو میٹر کا تھکا دینے والا فاصلہ طےکر کے اپنے اختتامی پوائنٹ تک پہنچے۔اس پروگرام میں تمام شاملین کے لئے مجلس خدام الاحمدیہ کی طرف سے کھانے اور ریفریشمنٹ کا انتظام تھا۔ تمام خدام کے لئے یہ ایک منفرد تجربہ تھا جسے سب کی طرف سے بہت پسند کیا گیا۔ آخر میں اللہ تعالیٰ سے دعا ہے کہ اللہ تعالیٰ مجلس خدام الاحمدیہ بیلجیئم کو مزید بہتر اور اپنے دل و جان سے پیارے امام کی توقعات کے مطابق پرگرامز کا انعقاد کرنے کی توفیق دیتا چلا جائے۔آمین ثم آمین
(رپورٹ: توصیف احمد۔ مربی سلسلہ و صدر خدام الاحمدیہ بیلجیئم)
