حضرت سہل بن سعدؓ روایت کرتے ہیں کہ آپؐ نے حضرت علیؓ کو مخاطب کرکے فرمایا کہ بخدا! تیرے ذریعے ایک آدمی کا ہدایت پا جانا، تیرے لئے اعلیٰ درجہ کے سرخ اونٹوں کے مل جانے سے زیادہ بہتر ہے۔
(مسلم کتاب فضائل الصحابہ۔ باب فضائل علی بن ابی طالب)
آنحضرت صلی اللہ علیہ وسلم نے فرمایا کہ جو شخص کسی نیک کام کی سنت کو جاری کرتا ہے تو اس کو اتنا ہی ثواب ملتا ہے جتنا کہ ثواب اس پر عمل کرنے والے کو ملتا ہے اور ان کے ثواب میں سے کچھ بھی کم نہیں ہوتا اور جو شخص کسی برائی کی سنت کو جاری کرتا ہے تو اس کو بھی اس قدر گناہ ہوتا ہے جس قدر اس برائی کرنے والے کو ہوتا ہے۔
(مسلم کتاب العلم۔ باب من سن حسنۃ او سیئۃ)
