حضرت محمود بن لبیدؓ سے روایت ہے کہ رسول اﷲؐ نے ارشاد فرمایا:
میں تمہارے بارے میں سب سے زیادہ شرک اصغر سے ڈرتا ہوں۔ صحابہ کرامؓ نے دریافت کیا یا رسول اﷲؐ!شرک اصغر کیا ہے؟ آپؐ نے فرمایا: ریا کاری۔
(مسند احمد الرسالہ روایت 23630)
ایک اور روایت میں ہے کہ رسول اﷲؐ نے اپنی اُمت کے بارے میں شرک کا خوف ظاہر فرمایا۔ آپؐ سے دریافت کیا گیا کہ کیا آپؐ کے بعد آپؐ کی اُمت شرک میں مبتلا ہوجائے گی؟ آپؐ نے ارشاد فرمایا:
وہ لوگ چاند سورج کی پتھر اور بتوں کی پرستش نہیں کریں گے لیکن ریا کاری کریں گے یعنی لوگوں کو دکھانے کیلئے نیک کام کریں گے۔
(ماخوذ از ابن ماجہ، کتاب الزھد باب الریا والسمعہ)
