- ہاتھ سے دھونے کی ایجاد پر ریاستی ایوارڈ
- صرف ایک لیبارٹری
- اساتذہ کی سکریننگ
- ہر گاؤں میں دو ٹی وی سیٹ
- افریقہ میں کورونا وائرس کی موجودہ صورت حال
| کل مریض | تندرست ہونے والے | اموات |
| 152,081 | 63,921 | 4,331 |
کیسز کی تعداد کے لحاظ سے پہلے پانچ ممالک
| ملک | متاثرین | |
| 1 | جنوبی افریقہ | 34357 |
| 2 | مصر | 26384 |
| 3 | نائیجریا | 10578 |
| 4 | الجیریا | 9513 |
| 5 | گھانا | 8070 |
گزشتہ چوبیس گھنٹوں میں 5151 مریضو اور 260 اموات کا اضافہ۔
افریقہ میں کورونا وائرس کے کیسز ڈیڑھ لاکھ سے تجاوز کر چکے ہیں۔
ہاتھ سے دھونے کی ایجاد پر ریاستی ایوارڈ
کینیا کا ایک لڑکا اس سال ہاتھ دھونے والی مشین کی ایجاد کے لئے ریاستی ایوارڈ حاصل کرنے والوں میں شامل ہے۔ نو سالہ اسٹیفن ویمکوٹا نے پانی کے ایک گیلن کو ایک سپورٹ کے ساتھ آویزاں کیا ہے اور پانی اور صابن کی فراہمی کے لئے ایک پیڈل تیار کیا، اس طرح گیلن کو ہاتھ لگائے بغیر ہاتھ دھوئے جا سکیں گے۔ (بی بی سی افریقہ)
سکول جزوی طور پر کھول دئے گئے
نائجر، کیمرون، برکینا فاسو اور تنزانیہ نے اپنے اسکولوں کو جزوی طور پر دوبارہ کھول دیا ہے ۔
نائجر: میں یکم جون کو پرائمری اسکول کے طلباء اسکول واپس آئےتعلیمی ادارے 20 مارچ سے بند تھے۔
کیمرون: اسکول اور یونیورسٹیاں ، جو 17 مارچ سے بند تھیں ہیں دوبارہ کھل گئ ہیں ۔
برکینا فاسو: یکم جون سے امتحانات والی کلاسز کے طلبہ کے لئے ادارے کھول دئے گئے ہیں ۔ بایہ کلاسز کے لئے ابھی تک ٹائم ٹیبل کا اعلان نہیں کیا گیا۔
تنزانیہ: میں سیکنڈری کلاسز کے طلبہ کے لئے اسباق دوبارہ شروع ہو گئے ہیں۔ RFI
اساتذہ کی سکریننگ
کونگو برازاویل میں تعلیمی ادارے کھولنے سے قبل اساتذہ کے ٹسٹ کے عمل کو لازمی قرار دی گیاہے تاکہ طلبہ کو وائرس سے بچایا جا سکے ۔ RFI
صرف ایک لیبارٹری
کونگو کنشاسا میں اس وقت تک صرف ایک لیبارٹری کورونا کے ٹسٹ کے لئے کام کر رہی ہے ۔ اب وزیر اعظم نے کونگو کے دوسرے بڑے شہر لوبومباشی میں دوسری لیبارٹری قائم کرنے کا وعدہ کیا ہے ۔ ۔ RFI
تقریبا آٹھ کروڑ آبادی کے اس ملک میں کورونا کے 3195کیسز ہو چکے ہیں ۔
بندر گاہ سٹی بند
اتوار کی شام، مڈغاسکر کے صدر Andry Rajoelina نے اپنے خطاب میں ملک کے مشرق میں Atsinanana خطے میں پابندیوں کو سخت کرتے ہوئے آمد و رفت کو بند کرنے کا اعلان کیا ہے۔ اس شہر میں جزیرے کی سب سے بڑی بندرگاہ واقع ہے۔ اور اس وقت ملک میں وبا کا مرکز بن گیا ہے ۔ RFI
ارکان پالیمینٹ گرفتار
یوگنڈا کے حزب اختلاف کے دو ارکان پارلیمنٹ کو ہفتے کے روز جنوبی سوڈان کے ساتھ سرحد بند کرنے کے احتجاج میں حصہ لینے کے بعد گرفتار کیا گیا ہے RFI
ہر گاؤں میں دو ٹی وی سیٹ
یوگنڈا کے صدر Yoweri Museveni نے فائنل ائیر کے طلبا کے لئے اسکولوں کے دوبارہ کھلنے کو مزید ایک ماہ کے لئے ملتوی کردیا ہے۔ صدر نے کہا کہ ہر گاؤں کو دو ٹیلی ویژن سیٹ دیئے جائیں گے تاکہ طلبہ کو ٹیلیویژن کے ذریعہ تعلیم حاصل کرنے کا موقع ملے۔ بی بی سی
سکول پھر بند
سینیگال وزارت تعلیم نے بتایا کہ نے متعدد اساتذہ کے کورونا وائرس ٹسٹ پازیٹو آنے کے بعد آج دو جون سے آہستہ آہستہ کھلنے والے تعلیمی ادارے مزید ایک ہفتہ کے لئے بند کر دئے گئے ہیں۔ الجزیرہ
سال میں 1.6 بلین ڈالر کا نقصان
یوگنڈا کے صدر نے کہا ہے کہ سیاحت سے حاصل ہونے والی آمدنی میں ملک کو ایک سال میں 1.6 بلین ڈالر کا نقصان ہوگا۔ الجزیرہ
عبادت گاہیں کھول دی گئیں
نائجیریا میں منگل سے عبادت گاہوں اور ہوٹلوں کو دوبارہ کھو ل دیا گیا ہے۔ ملک کے بیشتر حصوں میں کورونا وائرس کی وجہ سے لگائی گئی پابندیوں میں نرمی کے دوسرے مرحلے کا آغاز ہو گیا ہے۔ بی بی سی افریقہ
(چوہدری نعیم احمد باجوہ)
