ہےجہاں کی ساری خِلقت آپؐ کی نسبت سے ہی
ہم بنیں ہیں خیرِ امت آپؐ کی نسبت سے ہی
مہر و مہ نے روشنی لی آپ کے ہی نور سے
اورستاروں میں ہےزینت آپؐ کی نسبت سے ہی
ملحدو کج راہ و بھٹکے صاحبِ عرفاں ہوئے
پا گئے مولا کی قربت آپؐ کی نسبت سے ہی
کھوٹے سکے چل گئے ہیں چاکری سے آپ کی
مٹ گئی ہر اک کثافت آپؐ کی نسبت سے ہی
صاحبِ لولاک عظمت آپ کی ہے بالا تر
سارےنبیوں کی ہےعصمت آپؐ کی نسبت سےہی
دشمنِ جاں آپ کی جاں پر فدا ایسے ہوئے
پی لیا جامِ شہادت آپؐ کی نسبت سے ہی
آپ کے عفو و کرم کے غیر بھی قائل ہوئے
چھوڑ بیٹھے سب عداوت آپؐ کی نسبت سے ہی
جس نے پکڑا آپ کا دامن اسے سب کچھ ملا
پالی اس نےجگ میں جنت آپؐ کی نسبت سے ہی
(حافظ محمد مبرور)
